Katshitshipanitaht

• Conseil des Innu de Ekuanitshit

  Ka tshimatakanit anite pipun 1963, Conseil des Innu de Ekuanitshit utatusseun eukuan tshetshi minu-tutuakanit auen anite minuinniunit, katshishkutamatunannut, innu-aitunit, atusseun tshetshi takuak mak pakassiun, iapit e uitakaniti metueuna, kassinu aishinakuak aishi-minuatakanit. Ne Kaussei tshishpeuatam^u tipenitamunnu, eshi-kanuenitashut mak aishi-aieshkushiuinikuniti tshekuannu e apatannit mak meshta-itenitakuannit ut Ekuanitshiunnua mak tapuetatishu tshetshi nanitam minuenimuniti utinnima.

   

  Muteshekau-shipu, anite takuan pitashue Nitassinan anite innit Ekuanitshit. Ne shipu eukuan kau ka utinakanit assi mak ashineun tekuak anite aianishkat, innu-kaiuassiuht e uinakaniht. Ne Kaussei mashinatautishupan nenu tapuetatishu-mashinaikanuiannu e utamaikannit tshetshi tshishpeuatakanit ne Muteshekau-shipu mak uitam^u uin nakanitet tshetshi pimutat nenu atusseunnu tshetshi ut tshishpeuatakanit mak minunakutakanit ne shipu.

  Anu tshitapatamuku auenitshenat anite etaht
  Conseil des Innu de Ekuanitshit
• MRC anite Minganie

  MRC anite Minganie eukuan tshishe-utshimau-aitun anite etat kakusseshiu-innu-utshimau anite nenua papeik^u utenaua anite itetshe ne assi Minganie e uitakanit mak ne katakuaitshet anite ne eshi-tipenitamumakak assi. Ua utitaik tshetshi uauetashuapatak nenua tatipan eshi-tipenitamumakaki assia miam ute ishpimit eshi-uauitakanit. E minu-uitakanit, tshipa ui atushkateu mak tshetshi uenutishimakanit assi tshetshi ut mitshiminakanit mak etatu minutakanit, mak tshetshi minuinniuht mak minuenimuht innuat, atusseutshuapa kie, e ishpitenitakanniti takuaimatsheuna mak atusseuna ka patshitinahk tshishe-utshimauat mak utenaua ka tutahk.

   

  Ne MRC anite Minganie iapit anite tau ne atusseun e uitakanit tshetshi tshishpeuatakanit mak tshetshi minunakutakanit ne Muteshekau-shipu shash mitshetapipuna mak mitshetuau mashinatautishupanat tapuetatishu-mashinaikannu nenu eshi-uitakannit.

   

  Anu tshitapatamuku auenitshenat anite etaht
  MRC anite Minganie
• SNAP Uepishtikueiau-assit

  Mamuitun minashkuanu mak ka tshishtikanikatenit assinu (SNAP Uepishtikueiau-assit) eukuan atusseutsheutshuap eka ua shuniauatshet tshetshi ut tshishpeuatakanit minashkuau. Ishi-atusseu tshetshi tshimatat tshetshi aimitunannut ne ua tshishpeuatakanit assi ute mishue Uepishtikueiau-assit, tshetshi ut minekash tshishpeuakanit ne minashkuau anite tekuak itetshe tetaut e uitakanit tshiuetinit, Tshishe-tshiuetin, uinipek^u Saint-Laurent mak anite kantu-tshissenitakanit anite etaht aueshishat ka kushtikuannit. Ne atusseutshuap iapit nakatuenitam^u tshetshi minu-uauetashuapateti nenua assia tekuaki shash ka tshishpeuatakaniti.

   

  Ne SNAP Uepishtikueiau-assit shash kutunnuepipuna ishi-atusset tshetshi nishtuapatakannit Muteshekau-shipinu mak nanitam tshetshi tshishpeuatakannit, ne anu e uitakanit tshetshi mashinaikanuian mashinatautishunanut, tshetshi natu-tshissenitakanit ne anitshenat kanatshi-maniteuht nenu shipinu, tshishe-utshimau-aitun e natshishkatunanut, aimun e patshitinakanit, mashinaikana pemipanitakaniti tipatshimuna kie ma shaputue e tutakanit tshekuan.

  Anu tshitapatamuku auenitshenat anite etaht
  SNAP Uepishtikueiau-assit
• AEVM

  Mamuitun eaux-vives Minganie (AEVM) eukuan ka mamuiht kauauitshiaushiht manitishuht atusseunnu tshetshi uapatahk eshikunit nipinu anite Minganie, tshetshi manituenanut uauitamatsheun mak tshetshi uauetashtakanit assi mak anite kauitshinanut mak kapatakanissa.

   

  Anite ut 1997, anu 2000 tatutipaikana utinamupanat anitshenat kauauitshiaushiht tshetshi tshimataht, tshetshi uauetashtaht mak tshetshi nakatuenitahk kapatakanissa tshetshi uashkamanit anite Muteshekau-shipit Ne AEVM mitshetuau tapan anite ka natu-tshissenimakaniht auenitshenat anite mamu katanannut ne tshe ishpaniuet nenua e uitakaniti shipua mak tshetshi pekupitakaniht innuat anite ut e patshitinakaniti mashinaikana anite uatakanit etenitakanit, anite petshitinakanit aimun, netshishkatunanut mak ka natuapamakaniht innuat tshetshi utinakannit utaimunnuau. Ne AEVM eukuan atusseutshuap ka ut minu-nishtuapatak anite uashka aishinakuannit nenu Muteshekau-shipinu, eshpaniuenit mak utipatshimun ne e uitakanit assi.

  Anu tshitapatamuku auenitshenat anite etaht
  AEVM